«Барыс» ҚХЛ аутсайдерлерінің бірінен ойсырай жеңілді

Құрлықтық хоккей лигасының кезекті туры астаналық «Барыс» үшін тағы да жеңіліспен аяқталды. «Нефтехимикке» қонаққа барған Ғалым Мәмбетәлиев шәкірттері 1:4 есебімен ойсырай жеңілді.

Айта кету керек, қос команда да ҚХЛ аутсайлерлерінің қатарында. «Нефтехимик» 26 матчтың тек алтауында жеңіске жеткен. Сондай-ақ, соңғы бес матч қатарынан жеңілген болатын. «Барыс» болса, 24 ойынның тек төртеуінде жеңіп, турнир кестесінде 11-ші сатыда (12 команда ішінен) келеді.

Ойынның бірінші кезеңінде айдын иелері бір шайбамен алға шыққан. Екінші кезеңде 1:1 есебі тіркелді, «Барыс» сапынан көзге түскен – Батырлан Мұратов. Ал, соңғы шешуші кезеңде «Нефтехимик» тағы екі шайба соғып, үй ойынындағы маңызды үш ұпайына қол жеткізді.

Астаналық команда келесі ойынын тағы осы «Нефтехимикпен» сырт айдында өткізеді. Матч 13 қарашаға жоспарланған.