«Барысты» қазақыландыру популизм емес пе? Ресейліктер бізді неге менсінбейді? Мамин жауап берсін!
«Бірінші бол» YouTube-каналы Қазақстан хоккейіндегі сәтсіздіктер мен реформалар туралы талдап көрді
Қазақстан хоккейі медиада көп талқыланбағанымен, бюджеті ең қомақты федерациялардың бірі. Ал, бұл федерацияны кезінде ұзақ жыл билікте болған Асқар Мамин басқарады. «Бірінші бол» YouTube-каналындағы кезкекті шығарылымда белгілі комментатор Жігер Әзберген және кәсіби хоккейші – балалар бапкері Шыңғыс Әбіл қазақ хоккейінің болашағы және «Барыс» клубының сәтсіздіктері туралы ойын ортаға салды.
Астананың «Барысы» ҚХЛ-де осымен үшінші маусым қатарынан сәтсіз өнер көрсетіп келеді. Ал, екі айдай бұрын клуб басшылығы ауысып, командадағы легионерлердің көбімен келісімшарт үзілді. Қазір «Барыс» сапында қазақтың 10 хоккейшісі ойнап жүр. Бұрын-соңды клубта осыншама қазақ өнер көрсетпеген дейді Жігер Әзберген. Ал, бұл шешім дұрыс па, әлде бұрыс па, мұны бүгінгі подкастта талқыладық.
Сондай-ақ, қазақ хоккейшілері NHL-де қашан ойнайды, Асқар Мамин неге сәтсіздіктерге жауап бермейді деген сұрақтардың да жауабын іздеп көрдік.