«Бізді осы үшін жазалады». «Барыс» бапкері Челябідегі жеңілістің себебін түсіндірді

Құрлықтық хоккей лигасында ойнайтын Астананың «Барыс» клубы Челябіде жергілікті «Трактор» клубынан тартысты өткен матчта жеңіліп қалды.

Бірінші кезеңде айдын иелері бір шайба соққан. Бірақ үзілістен кейін «Барыс» қарқын алып, камбэк жасай жаздаған. Қонақтар екі мәрте мергендік танытып, есепте алға шықты. Кирилл Панюков пен Антон Бурдасов мергендігімен көзге түсті.

Дегенмен үшінші 20-минуттықта «Тракотор» жеңісті жұлып алды. Айналдырған бір минуттың ішінде екі шайба соғып, 3:2 есебімен басым түсті.

«Өте өкінішті жағдай. Жігіттер жақсы ойнады. Есепті теңестірді, тіпті алға шықты. Бірақ үшінші кезеңде тым ерте сеніп қойды ма, қолда тұрған жеңісті беріп қойды. Мұндай қателіктер болады. Бұл хоккей. Бізді осы қателігіміз үшін жазалады», - дейді «Барыс» бапкері Ғалым Мәмбетәлиев.

Осылайша, «Барыс» соңғы 10 кездесудің небәрі біреуінде ғана жеңіске жетті.

Енді 24 желтоқсанда «Трактор» Астанаға қонаққа келеді.