Азия ойындары: Қазақстан хоккейшілері Таиланд қақпасына 12 шайба соқты
5 ақпанда Болякин шәкірттері Қытай құрамасына қарсы ойнайды
Хоккейден Қазақстанның ерлер құрамасы Харибиндегі Азия ойындарын ірі жеңіспен бастады. Бірінші матчта Таиландпен кездескен Болякин шәкірттері қарсылас қақпасына жауапсыз 12 шайба соққан.
Бірінші кезеңде Қазақстан хоккейшілері төрт голмен көзге түсті. Гол авторлары: Вячеслав Колесников, Роман Старченко, Руслан Оспанов және Иван Степаненко.
Екінші кезеңде Әділ Бекетаев пен Әлихан Өмірбеков есепті 6:0-ге жеткізді. Ал, үшінші шешуші кезеңде қазақстандық хоккейшілер тағы күш алып, алты шайба соқты. Бұл жолы Евгений Рымарев, Андрей Буяльский, Тамерлан Гайтамиров, Артем Лихотников (екі гол) және Әділ Бекетаев көзге түсті.
5 ақпанда Болякин шәкірттері Қытай құрамасына қарсы ойнайды.
Еске салайық, бұған дейін Қазақстанның қыздар құрамасы да Гонконгты дәл осындай есеппен жеңіп кеткен болатын.