Қазақстанның жас хоккейшілері Канвон олимпиадасының финалына шыға алмады
24.01.2024, 10:05
Олар енді үшінші орын үшін таласады
olympic.kz
Жасөспірімдер арасындағы қысқы Олимпиада ойындарында Қазақстан хоккейшілері (3x3 форматында) жартылай финалда Латвия құрамасынан жеңілді, есе – 6:19.
Еске салайық, Рамазан Қайдаров шәкірттері топтық кезеңде болған 7 кездесудің төртеуінде жеңіске жетіп, бірден жартылай финалға жолдама алған еді. Енді олар 25 қаңтарда үшінші орын үшін болатын матчта бақ сынап көреді.
Канвондағы қысқы Олимпиада ойындарында Қазақстан қоржынында әзірге бір алтын және бір қола медаль бар.
Жарнама
Жарнама