Шавкат Рахмонов Ислам Махачевке қарағанда қауіпті қарсылас болып шықты
Иэн Гэрри Шавкат Рахмонов пен Ислам Махачевтің арасынан қауіптісін атады
UFC-дің жартылай орта салмақтағы рейтингінде бірінші орында тұрған ирландиялық Иэн Гэрри Ислам Махачев пен қазақстандық Шавкат Рахмоновты салыстырып, өзі үшін қайсысы қауіпті қарсылас болғанын айтты.
Ирландиялық файтердің пікірінше, Рахмонов Махачевтен сәл қауіпті. Гэрри бұл ойын қазақстандық спортшымен өткен жекпе-жектегі тәжірибесімен байланыстырды.
«Шавкат сәл қауіпті деуге болады. Мен онымен қысқа мерзімде келісілген жекпе-жекке шыққан кезде, ол 18 жеңістен тұратын серияда болды. Оның 18 жеңісінің басым бөлігі мерзімінен бұрын аяқталды. Шавкат қарсыластарын нокаутқа түсіріп қана қоймай, жекпе-жекті мерзімінен бұрын аяқтай алатын. Сондықтан мен үшін ол ықтимал тұрғыда қауіптілеу қарсылас болды. Бұл оның Махачевтен үстем дегенді білдірмейді, бірақ қауіптілігі жоғарырақ», – деді Гэрри.
Еске салайық, Рахмонов пен Гэрри 2024 жылғы желтоқсанда октагонда кездескен. Жекпе-жек толық бес раундқа созылып, қазақстандық файтердің бірауызды төрешілер шешімімен жеңісімен аяқталды. Осы кездесуден кейін Шавкаттың тізесіне қатысты мәселелер туындап, ол содан бері октагонға шыққан жоқ.
Ал 16 тамызда Филадельфияда өтетін UFC 330 турнирінің басты жекпе-жегінде Иэн Гэрри Ислам Махачевпен кездеседі. Бұл айқаста жартылай орта салмақтағы чемпиондық белбеу сарапқа салынады.
Махачев 77 келіге дейінгі салмақта титулын алғаш рет қорғайды.