«Тоқал алдым» деп мақтанған «қазақ терминаторы» UFC-ге ауыспақшы
Ол 12 жеңістің 11-ін нокаутпен аяқтаған
Еліміздегі танымал файтерлердің бірі Мұратбек Қасымбай ережесіз жекпе-жектен әлемдегі ең үздік лига – UFC-мен келіссөз жүргізіп жатқанын мәлімдеді.
Мұратбек октагонда 16 жекпе-жек өткізіп, оның 12-де жеңіске жеткен, оның 11-ін мерзімінен бұрын жеңген. Төрт рет жеңілген. Бірақ оған танымалдық поп-ММА арқылы келді.
Айта кету керек, поп-ММА арқылы UFC-мен келісімшартқа отырғандардан әзірге тек «Шара Буллет» лақап атымен танымал Шарабудтин Магомедов бар.
Мұратбек Қасымбай биыл «тоқал алдым» деп елден сүйінші сұраған еді. Бұған дейін ережесіз жекпе-жек шеберлерінен тоқал алғанын ашық мойындаған Жалғас Жұмағұлов болатын. 2021 жылы ол екі әйелінен 6 баласы бар екенін жеткізген.
Мұратбек Қасымбайдың лақып аты – «Қазақ терминаторы».