Шавкат Рахмонов жеңіске жетіп, Алматыда UFC турнирі өтеді - сарапшы
Шавкат Рахмонов MMA-де 18 жекпе-жек өткізіп, бәрін жеңген
Аралас жекпе-жек туралы жазатын ресейлік шолушы Игорь Лазорин өзінің телеграм-арнасында Шавкат Рахмоновтың алдағы уақытта өтетін жекпе-жегі туралы айтты.
Лазорин жартылай орта салмақта UFC чемпионы атағы сарапқа салынатын айқаста Шавкат жеңіске жетеді деп отыр.
«Болжам мынадай. Шавкат чемпион атанады. 2025 жылы UFC үлкен турнирді Алматыда өткізеді», — деп жазды Лазорин.
Айта кетейік, бұған дейін ұйым басшысы Дана Уайт чемпиондық белбеуге иелік ететін Белал Мухаммад пен Шавкат Рахмонов арасындағы айқас 7 желтоқсанда Лас-Вегастағы UFC 310 турнирінде өтетінін мәлімдеген.
Шавкат Рахмонов MMA-де 18 жекпе-жек өткізіп, бәрін уақытынан бұрын жеңген. Ол соңғы жекпе-жегін 2023 жылғы желтоқсанда Лас-Вегас (АҚШ) қаласында өткізіп, америкалық файтер Стивен Томпсонды екінші раундта ұтқан болатын.