Өзбек файтері Шавкаттың Белал Мухаммадтан жеңілетініне сенімді
Чемпиондық жекпе-жек 7 желтоқсанда АҚШ-та өтеді
АҚШ-та тұратын өзбекстандық файтер, UFC-дің бұрынғы өкілі Саид Йокуб Кахромонов Шавкат Рахмонов пен Белал Мухаммад арасында болатын чемпиондық жекпе-жекке қатысты өз пікірін айтты.
Бұған дейін UFC-дің экс-чемпионы Ти Джей Диллашоу JAXXON подкасында қонақта болып, Белалдың әлсіз екенін, октагонда барлығы 4 сағат 17 минут 38 секунд өткізгенін және мүлдем нокаутпен жеңе алмағанын айтқан болатын.
Кахромонов болса Диллашоудың бұл пікірін орынсыз деп тауып, Белалдың Шавкатты қиындықсыз жеңетінін мәлімдеді.
«Допингке тойып алған бір топ хейтер микрофон айналасына жиналып алып, аузына келгенін оттап отыр. Белал – мен көрген ең еңбекқор адам. Ол Шавкатты сөзсіз жеңеді», - деді өзбек файтері өзінің X-парақшасында.
Айта кетейік, Шавкат Рахмонов пен Белал Мухаммад арасындағы чемпиондық жекпе-жек 7 желтоқсанда АҚШ-та өтеді. Сарапқа Белалдың чемпиондық титулы салынады.