Асу Алмабаевтың UFC-дегі келесі жекпе-жегі белгілі болды
Асу Алмабаев Лас-Вегаста Бразилия өкілімен шеберлік байқасады
UFC промоушені аралас жекпе-жек шебері Асу Алмабаевтың алдағы жекпе-жегі туралы мәлімдеді.
Асу Алмабаев Лас-Вегаста UFC Fight Night 245 турнирі кезінде Бразилия өкілі Матеус Николаумен (19-4-1) шеберлік байқасады.
"Осыған дейін UFC-де 3 жекпе-жек өткізіп, барлығында жеңіске жетті. Ол қарсыластарға ешқандай мүмкіндік қалдырмаған файтер! Алда Асу Алмабаев ең жеңіл салмақтағы үздік 10 спортшының қатарына кіруі мүмкін деп болжаймыз", - деп жазды UFC Eurasia өкілдері.
Асудың қарсыласы Матеус Николау UFC-дің ең жеңіл салмақ дәрежесі бойынша әлемдік рейтингте 7-орынға жайғасқан. Ал отандасымыз Асу Алмабаев 14-орында тұр. Ал бұл салмақта әлем үздігі Александр Пантожа бірінші орында келеді.