Қазақ файтері ресейлік қарсыласын әзер жеңіп, титулын қорғады (ВИДЕО)
Осылайша ол қатарынан үшінші жекпе-жегінде жеңіске жетті
Алматыда өткен NAIZA 69 турнирінің негізгі кардында төбелескен қазақстандық Дастан Амангелді (8-1) ресейлік қарсыласын төрешілер шешімімен жеңіп, чемпиондық титулын қорғады.
Дастан Амангелді мен Вячеслав Свищев (13-5) арасындағы жекпе-жек 5 раундқа жоспарланып соңына дейін жалғасты. Нәтижесінде төрешілер 48-47, 47-48, 48-47 есебін тіркеп, жеңісті қазақ файтеріне берді.
Айта кету керек, жекпе-жек алдында сарапшылар Дастан Амангелдінің айқын жеңісін болжаған еді. Десе де, ақтөбелік файтер үшін бұл мансабындағы ең қиын айқастың бірі болғандай. Осылайша ол өзінің NAIZA промоушеніндегі чемпиондық титулын алғаш рет қорғап отыр.
Свищев болса қатарынан екі жеңістен кейін қайта жеңілді. Оның бапкері – қазақстандық маман Қайрат Нұрмағанбетов.