Тоқаев Шавкат Рахмоновты құттықтады
Екеуі былтыр наурыз айында Ақордада кездескен болатын
UFC-дегі кезекті жеңісіне жеткен қазақстандық файтер Шавкат Рахмоновты мемлекет басшысы Қасым-Жомарт Тоқаев құттықтады.
Айта кетейік, Рахмонов бүгін ирландиялық файтер Иэн Гэрримен жекпе-жек өткізіп, төрешілер шешімімен жеңіске жеткен болатын. Бұл оның мансабындағы 19-шы жеңісі және Рахмонов бірде-бір рет жеңіліп көрмеген.
«Мемлекет басшысы қазақстандық атлеттің кәсіби спортта жетістіктерге жете беруіне тілектестік білдірді», - делінген Ақорда таратқан хабарламада.
Еске салайық, Тоқаев Шавкат Рахмоновты былтыр наурыз айында жеке қабылдап, оған биік белестерді бағындыруға тілектестік білдірген еді. Сондай-ақ, оның жеңістері жастарға үлкен мотивация болатынын да айтқан.
Шавкат Рахмонов келесі жекпе-жегін әлем чемпионы титулы үшін өткізуі тиіс. Бұл атақ қазір америкалық файтер Белал Мухаммадқа тиесілі.