Шавкаттың біткен жері осы шығар деп ойладым – Қуат Хамитов
Қазақ файтері 19-шы жеңісіне қол жеткізді
Қазақстандық аралас жекпе-жек шебері Қуат Хамитов Шавкат Рахмоновтың UFC 310 турниріндегі ирландиялық Иэн Гэрримен кездесуіне баға берді.
Айта кетейік, аталған жекпе-жек бес раундқа жалғасып, төрешілер шешімімен қазақ файтері жеңіске жетті. Бұған дейінгі кездесулерінің бәрін ол мерзімінен бұрын ұтып келген.
«Иэн Мачадо Гэрри таңғалдырып қана қоймай, бәрімізді қорқытып та жібергені рас. Бесінші раундта ол Шавкатты мойнынан қыса бастағанда, біткен жері осы шығар деп ойлағанмын. Жалпы алғанда, өте жақсы айқас, тең өтті деп ойлаймын», — деді Қуат Хамитов.
Жекпе-жектің алғашқы төрт раунды Рахмоновтың толық бақылауымен өткенімен, бесінші раундта ол ирландиялықтың қылқындыру әдісіне түсіп қалды. Бірнеше минут арпалысқан Шавкат раунд соңына қарай Гэрридің құрсауынан шығып, жекпе-жекті аяқта тұрып аяқтады. Төрешілер бірауыздан жеңісті Рахмоновқа берді – 48-47.