Шавкат Рахмонов UFC рейтингінде Камару Усманды басып озды
Отандасымыз Леон Эдвардс пен Белал Мухаммадтан кейін үшінші орында тұр
Қазақстандық аралас жекпе-жек шебері Шавкат Рахмонов жартылай орта салмақтағы UFC рейтингінде дивизионның бұрынғы чемпионы Камару Усманды басып озды.
Сөйтіп, отандасымыз екінші орынға көтерілді. Рахмонов аралас жекпе-жек спортынан әлемдегі ең үздік лигадағы жетінші жеңісінен кейін рейтингте жоғары өрлеп отыр.
Қазақстандық спортшы Лас-Вегастағы T-Mobile аренасында өткен UFC 310 турнирінде ирландиялық Иэн Мачадо Гэрримен жекпе-жек өткізген. Кештің негізгі кардында Шавкат ирландиялық Гэрримен кездесіп, бес раундтың қорытындысы бойынша ұпай санымен ұтты.
Енді отандасымыздың алдын британиялық Леон Эдвардс пен осы дивизионның чемпионы Белал Мухаммад ғана озып тұр. Гэрри өз кезегінде жетінші орнын сақтап қалды.