30 жастағы Алмабаев келесі жекпе-жегін 2025 жылы өткізеді
Асу Алмабаевтың UFC-дегі келесі жекпе-жегінің мерзімі белгілі болды
Асу Алмабаев бесінші жекпе-жегін 2025 жылдың көктемінде өткізеді. Бұл туралы Спорт Шредингера арнасы мәлім етті.
Алмабаев 1 наурызда UFC Vegas 103 (басқа атауы – UFC Fight Night 253) турнирінде Лас-Вегаста өнер көрсетеді. Қазақстан уақыты бойынша жекпе-жек 2 наурыз күні таңертең өтеді. Турнир UFC Apex залында ұйымдастырылады – бұл UFC-дің арнайы түсірілім павильоны, мұнда көрермендер саны шектеулі болады.
Бұл Асу Алмабаевтың UFC-дегі бесінші жекпе-жек болмақ. Қазақстандық файтердің қарсыласы топ-10 үздіктерінің арасынан таңдалады.
Алмабаев UFC-дегі дебютін 2023 жылдың тамызында Одди Осборнды сабмишн әдісімен жеңумен бастаған болатын. 2024 жылы ол бірінен соң бірі СиДжей Вергараны, Хосе Джонсонды және Матеус Николауды шешіммен жеңді.