«Хабибке үйретуім керек сияқты»: Дана Уайт Нурмагомедовті ұшақтан түсіріп тастағандар туралы айтты
UFC президенті Хабиб Нурмагомедовке чартерлік ұшақпен жүруді ұсынды
UFC ұйымының басшысы Дана Уайт бұрынғы жеңіл салмақтағы чемпион Хабиб Нурмагомедовтің ұшақ рейсінен түсірілген жағдайына қатысты пікір білдірді.
Pardon My Take YouTube арнасына берген сұхбатында UFC президенті Хабиб Нурмагомедовтің Frontier Airlines әуе компаниясының ұшағынан түсірілгенін қалай қабылдағанын айтты.
«Ол неге Frontier-мен ұшып жүр? Хабиб енді жекпе-жекке шықпайды, өйткені оның ақшасы өте көп. Әрине, Хабибке чартерлік рейстерді қалай брондау керегін үйретуім керек сияқты. Оның ақшасы басқалардан әлдеқайда көп. Бірақ ол сондай қарапайым, сол үшін мынадай әуе компаниясының қызметін пайдаланады. Хабиб Frontier Airlines дегеннің не екенін де білмеуі керек. Олар қаншалықты ақымақ болғанын түсінбеймін», — деп пікір білдірді Дана Уайт.
Айта кетейік, UFC-дің экс-чемпионы, мансабында мүлдем жеңіліп көрмеген дағыстандық файтер Хабиб Нурмагомедов көздеген жеріне жете алмады. Ағылшын тілін білмеген спортшы American Airlines ұшағында стюардессамен сөзге келіп, борттан шығып кетуге мәжбүр болған.