Конор Макгрегор саясатқа бет бұрды
Ол өз елінің президенті болып, жаңа Ирландия құруға уәде беріп отыр
UFC-дің бұрынғы чемпионы Конор Макгрегор Ирландия президенттігіне үміткер болатынын мәлімдеді. Ол отандастарына алдағы сайлауда өзін қолдауға үндеу жасады.
«2026 жылдың 12 маусымына дейін Ирландия ЕО-ның көші-қон пактісін толық орындауы тиіс. Бұл мерзімге дейін парламенттің екі палатасы бірқатар заң қабылдап, президент оларды бекітуі керек. Бірақ мен бұған қарсы тұруға дайынмын», - деп жазды Макгрегор әлеуметтік желідегі парақшасына.
Сондай-ақ, ол биыл 11 қарашада өтетін президенттік сайлауға қатысатыны туралы ашық айтты.
«Мен бұл заң жобасын референдумға шығарар едім. Бұл – халықтың таңдауы. Ирландияның болашағы біздің қолымызда.
Ирландия, таңдау сенің қолыңда. Мені президент ретінде таңдасаңдар, біз бірге Ирландияны құтқарамыз», - деді Конор.
Конор соңғы рет 2021 жылдың шілдесінде UFC 264 турнирінде америкалық Дастин Порьеге қарсы жекпе-жекте аяғынан ауыр жарақат алып, техникалық нокаутпен жеңілген болатын. Ол кәсіби мәнсабында 22 рет жеңіп, 6 мәрте жеңілген.