Отандасымыз келесі жекпе-жегінде чемпиондық титулға таласады
Қазақстандық файтер Қаршыға Дәуітбек (17-3) 30 наурызда RIZIN 50 турнирінде жапон Тихиро Судзукиді жеңген болатын. Осы жеңісінен кейін қазақ спортшысы рейтингте жоғарылады.
Айта кетейік, Судзуки жартылай жеңіл салмақта RIZIN лигасының экс-чемпионы.
Осы жекпе-жектен кейін отандасымыз Fight Matrix рейтингінде 42 саты жоғарылап, жалпы рейтингте 23-орынға тұрақтады. Ал Тихиро Судзики рейтингте 8 сатығы төмендеді.
Сондай-ақ, Қаршыға Дәуітбек енді осы дивизионның чемпионы Клеебр Койке Эрбстке қарсы жекпе-жек өткізу мүмкіндігіне ие болды. Титулдық кездесудің уақыты мен орны енді айқындалады.