Жанкүйердің 70% сатқын сияқты – қазақстандық танымал файтер Асу Алмабаевқа ақыл айтты
Ол жеңіліске мойымай, келесі жекпе-жекке дайындалу керек дейді
Қазақстандық аралас жекпе-жек шебері Артем Резников (25-9) UFC-де өнер көрсетіп жүрген отандастары Асу Алмабаев пен Дияр Нұрғожайға ағалық ақылын айтты. Қос файтер АҚШ-та өткен соңғы жекпе-жектерінде жеңіліп қалған болатын.
Резников «Вестник MMA» YouTube-канална сұхбат беріп, қазақстандық жанкүйерлерге реніші бар екенін де жасырмады.
«Ертеректе маған біреу «егер сенің карьераң жеңіліссіз болса, демек сен әлсіз қарсыластармен төбелескенсің» деп айтып еді. Әрине, бұл сөздің Хабибке қатысы жоқ. Ал, қазіргі ең мықтылардың бірі саналатын Исламның (Махачев) өзінде бір жеңілісі бар. Яғни, кез келген мықтыға одан да мықтырақ біреу табылады.
Біздің жігіттер UFC-ге келіп, өзін жақсы көрсетіп жатыр. Асудың қатарынан төрт жеңісі бар. Дияр болса Eagle FC лигасының чемпионы. Мен оларға тек сәттілік тілеймін және өздеріне қатысты айтылып жатқан хейтке мән бермесе екен деймін. Фанаттардың 70% сатқындар сияқты: егер сен жеңсең – сені төбесіне көтереді, жеңілсең – таптап тастайды», - деді Резников.
Еске салайық, Асу Алмабаев UFC Vegas 103 турнирінде Манель Капеден жеңілсе, Дияр Нұрғожай Fight Night 254 турнирінде бразилиялық Брендсон Рибейроға есе жіберді.