Жүре алмай, арбаға танылған әйгілі Емельяненко мәлімдеме жасады (ВИДЕО)
43 жастағы файтер рингке қайта шыққысы келеді
Ресей аралас жекпе-жегінің аңызы Александр Емельяненко омыртқасына ота жасатып шыққаннан кейін жанкүйерлеріне мәлімдеме жасады. Сондай-ақ, бокс пен жалпы физикалық дайындық бойынша жаттықтырушы Арслан Каратаевқа үндеу айтты.
«Мені бәрі біледі. Біреу сыйлады, біреу қорықты, енді бірі жек көрді. Мен биікте болдым. Қателестім. Жеңдім, сүріндім. Енді міне, осы жердемін. Жарақат. Арба. Бұл соңы ма? Кейбіреулер солай ойлайды. Кейбіреулер қуануда. Олар осы сәтті күтті. Менің сынып түскенімді қалады.
Арслан Каратаев, сен команда жасақтап жатсың. Мен сол командада болғым келеді. Жауынгер қай кезде де жауынгер болып қалады. Әлем төңкерілсе де. Жекпе-жек жалғасады. Енді сөз сенде», - деді Емельяненко.
Айта кетейік, әйгілі файтердің омыртқасынан ет өскіні (грыжа) шығып, жүйке жүйесін зақымдаған. Салдарынан ол жүре алмай, арбаға танылды. Бүгінде операция жасатып, қалыпқа келу процесі өтіп жатыр. Осындай жағдайға қарамастан ол спорттық жаттығуларын бастап кеткен.
Александр Емельяненко аралас жекпе-жекте барлығы 39 жекпе-жек өткізіп, оның 29-да жеңіске жетті (21-і нокаутпен). 9 рет жеңіліп, бір рет тең ойнаған.
Сонымен қатар, ол кәсіпқой бокста да 3 жекпе-жек өткізіп үлгерген: 1 жеңіс, 1 жеңіліс, 1 тең ойын.
2015 жылы қыз зорлағаны үшін 4,5 жылға сотталып, 2016 жылы мерзімінен бұрын босап шықты.