Шавкат Рахмоновтың қарындасы тұңғышын дүниеге әкелді
Ол бірер жыл бұрын алматылық депутатқа күйеуге шыққан болатын
Жартылай орта салмақта жеңілмеген UFC спортшысы Шавкат Рахмоновтың қарындасы Сора тұңғышын дүниеге әкелді.
Сүйінші жаңалықты спортшы қыздың күйеуі әлеуметтік желіде жариялады.
Алматы облыстық мәслихат депутаты, джиу-джитсуден спорт шебері Нұрсұлтан Орынбасаров Instagram-да перзентханадан шыққан суретін салды. Оның айтуынша, тұңғышының есімін Жұлдыз деп қойған.
«Қуанышты бөліссең көбейеді демекші, осы бір жаңалығыммен бөлісіп, сіздердің ақ тілектеріңізбен бақытымды еселегім келді.
Маған «Әке», жарыма «Ана» деген ең құрметті атақ беріп, шаңырағымызда бір Жұлдыз жанды. Қызымыз өмірге келді! Аллаға шүкір», - деп жазды Сораның күйеуі.
Ал оқырман қауым спортшылар отбасын қуанышты жаңалығымен құттықтап, сәбиге ақ тілегін жаудырып жатыр.