Қазақстан құрамасы су добынан Азия чемпионатының қола жүлдесін жеңіп алды
10.03.2024, 10:47
Қыздар құрамасы төртінші орыннан аса алмады
Olympic.kz
Филиппиннің Нью-Кларк-Сити қаласында су спорты түрлерінен өтіп жатқан Азия чемпионатында Қазақстан құрамасы су добынан үшінші орынды жеңіп алды.
Қола медаль үшін болған шешуші матчта біздің команда Қытай құрамасымен кездесіп, 7:4 есебімен жеңді. Ал, финалдық кездесуде Жапония 17:13 есебімен Иран ватерполшыларынан айласын асырды.
Қыздар құрамасы да үшінші орын үшін таласқан. Алайда, тай елінің командасынан 11:15 есебімен жеңілді.
Жалпыкомандалық есепте Қазақстан спортшылары 30 алтын медальмен екінші орынға тұрақтады. Бірінші орында Жапония тұр.