Ризабек Айтмұхан Венгрия турнирінде Әлішер Ерғалимен күреспейтін болды
Әлішер Ризабектің әзірбайжандық балуанды кеткен «ақысын» ала ала ма?
Венгрияда өтіп жатқан рейтингтік турнирде 97 келіде Қазақстан құрамасының екі балуаны жүлде үшін күреседі. Олардың бірі Әлішер Ерғали финалға шықса, Ризабек Аймұқан қола үшін сынға түседі.
Әлішер Ерғали іріктеу кезеңінде түрік балуанын 4:1 есебімен ұтса, ширек финалда грузин балуанын 6:2 ұпайымен жеңді. Ал жартылай финалда Иран спортшысынан 3:2 ұпайымен басым түсті.
Енді ол финалда әзірбайжандық Магомедхан Магомедовпен белдеседі. Ал жартылай финалға әзірбайжан балуанымен белдескен Ризабек финалға шыға алмады.
Ол жартылай финалда әлем чемпионатының күміс жүлдегері, Магомедхан Магомедовпен күресте 15:7 ұпайымен жол берді. Бастапқыда отандасымыз Әзірбайжан спортшысын 5:0 есебімен жеңіп жатқан еді. Алайда, тегеурінді күрес көрсеткен қарсыласы оны жеңіп кетті. Енді Ризабек қола жүлде үшін словакиялық Батырбек Цакуловпен күреседі.
Бұған дейін Юсуп Батырмырзаев Венгрия турнирінің жартылай финалында 125 келіде грузиялық даңқты балуан, Рио және Токио Олимпиадасының жүлдегері, үш дүркін әлем чемпионы Гено Петрошвилиді тушемен ұтқан болатын.