900 миллион теңге тұратын «Сарыарқа» хоккей клубы мемлекетке қайтарылды
Прокурорлар мемлекеттік мүлікті жекешелендірудің заңдылығын тексеріп жатыр
Қарағанды облысының прокуратурасы құны 900 миллион теңгені құрайтын «Сарыарқа» хоккей клубын мемлекет меншігіне қайтарды. Одан бөлек заңсыз берілген 37 жер телімі қайтарылды.
Қазір прокурорлар мемлекеттік мүлікті жекешелендірудің заңдылығын тексеріп жатыр.
Мемлекеттің экономикалық мүдделерін қалпына келтіру мақсатында заңсыз алынған және жекешелендірілген барлық мемлекеттік мүлікке қатысты прокурорлық қадағалау және ден қою шаралары қабылданатын болады.
Айта кетейік, 2023 жылғы 12 шілдеде Мемлекет басшысы «Заңсыз иемденілген активтерді мемлекетке қайтару туралы» Заңға қол қойғаны белгілі. Негізгі міндеті - заңсыз алынған мүлікті анықтау және мемлекетке қайтару, сондай-ақ экономикалық ресурстардың заңсыз шоғырлануына және мүлікті заңсыз алып қоюға ықпал еткен себептер мен жағдайларды анықтау.