11 жасар спортшы Париж олимпиадасында бақ сынайды

Қытайлық скейтбордшы қыз Чжэн Хаохао Париждегі Олимпиада ойындарында өнер көрсетеді. Ол төртжылдықтың бас додасындағы ең жас қатысушы атанбақ.

Championat мәліметше, спортшының жасы небәрі 11-де.
Чжэн 2021 жылы 8 жасында Қытайдың ұлттық ойындарына қатысып, 14-орын алған болатын. Ал 2023 жылы Будапештте өткен іріктеу кезеңінде сәтті өнер көрсетіп, Париж Олимпиадасына жолдаманы жеңіп алды.

Ал Париждегі аламанда ең егде жастағы қатысушының жасы 65-те. Испаниялық Хуан Антонио Хименес Кобо ат спортынан бақ сынайды.

Жалпы, Қытай атынан Олимпиада ойындарына 388 атлет қатысады, олар 33 спорт түрінен бақ сынайды.