Қазақстандық Олимпиада чемпионы әке атанды
29.07.2024, 11:03
Ол 2022 жылы үйленген еді
olympic.kz
Жүзуден Қазақстан тарихында Олимпиаданың жалғыз чемпионы Дмитрий Баландин қызды болды. Бұл туралы ол өзінің Instagram-парақшасында жазған.
Сәби 28 шілдеде дүниеге келген. Ата-анасы оған Оливия деген есім беріпті.
Айта кетейік, Дмитрий Баландин 2022 жылы спорттағы мансабын аяқтап, сол жылы үйленген болатын. Оның әйелі де спортшы – синхронды жүзуден Қазақстанның спорт шебері.
Баландин 2016 жылғы Рио Олимпиадасында 200 метрге брасс әдісімен жүзуде чемпион атанды. Ол Азия ойындарының үш дүркін чемпионы, 2015 жылғы Универсиада чемпионы.