Азамат Дәулетбеков Париж Олимпиадасының бірінші белдесуінде жеңіліп қалды

Париж Олимпиадасында еркін күрестен 86 келіде жарысқа шыққан Азамат Дәулетбеков алғашқы айналымда ұтылды.

Ол АҚШ өкілі Аарон Брукспен белдесіп, 4:3 есебімен жол берді. Белдесудің бастапқы кезеңінде отандасымыз 1 ұпай иеленгенмен, кездесудің соңына дейін әдіс жасай алмады. Есесіне қарсыласы екі рет 2 ұпайдан еншілеп, соңғы сәтке дейін басымдықты берген жоқ. Ал белсенді болмағаны үшін соңғы секундта төреші АҚШ балуанына ескерту жасап, отандасымызға 2 ұпай берді. Бірақ ол Азаматқа жеңіске жетуге көмектескен жоқ.

Енді Брукс финалға шықса ғана Азамат Дәулетбеков қола жүлдеге белдесуге мүмкіндік алады.