Жарнама
Жарнама
Жарнама
Жарнама
222 000 тг

Лицензия №23019645 от 06.09.2023

200 000 тг

Лицензия №22020324 от 02.11.2022

2 500 000 тг

Лицензия №21031283 от 08.11.2021

Жарнама
Жарнама

Елдос Сметов сыйға алған Lexus LX 600, 100 жылқы және пәтерін туыстарына таратып берген

Редактор
02.09.2024, 09:52

Сондай-ақ, алғашқы бапкері мен достарына да Елдос ерекше сый жасаған

El.kz

Париж Олимпиадасының чемпионы Елдос Сметов елге келгеннен бергі сыйлықтарын қайда жаратып жатқанын айтты. Даңқты балуан журналист Динара Сәтжанға сұхбат берген.

Есте болса, Сметов Қазақстанға келгенде Жамбыл облысының әкімдігі мен жергілікті демеушілер бірігіп су жаңа Lexus LX 600 көлігін мінгізді. Ол көлікті Елдос әкесіне бергенін айтты.

Ал бизнесмен Жұмабек Жанықұлов берген Mersedes көлігін Олимпиада чемпионы өзі тізгіндемекші. Тіпті мемлекеттік номеріне дейін Елдостың өнер көрсететін салмағымен бірдей (060).

Париж Олимпиадасының жеңімпазы Жамбыл облысының Тұрар Рысқұлов ауданында туған. Жерлестері де оған Haval 6 көлігін мінгізген болатын.

«Бұл көлікті мені бес жасымнан бастап тәрбиелеген, спортқа махаббатымды оятқан Ахмет Жұмағалиға сыйладым. Ол кісінің жасы қазір 74-те», - дейді Елдос Сметов.

Сондай-ақ Жамбыл облысының әкімдігі демеушілермен бірлесіп чемпионға бес бөлмелі пәтер сыйлаған. Ол өзінде қалды. Сондай-ақ екі бөлмелі пәтерін жеке бапкері Ғалымжан Жылгелдиевке тарту еткен.

Жамбыл облысының дзюдо федерациясының президенті арыстанның терісін берген, оны спортшы досына сыйлапты.

Төреғали Төреәлі сыйлаған тұлпар қазір Шымкентте екен. Ал, ақтөбелік кәсіпкер Әнуар Маханов берген 100 жылқыны Елдос екінші ағасына бергенін айтты.

Жарнама
Жарнама