Кениялық атлет Қазақстанға алтын сыйлады
03.10.2024, 11:50
Ол Le Lion жартылай марафонының жеңімпазы атанды
ҰОК
Жеңіл атлетикадан Қазақстан құрамасының өкілі Дейзи Джепкемей Белфорт қаласында (Франция) өткен Le Lion жартылай марафонының жеңімпазы атанды.
Спортшы бұл қашықтықты 01:07:54-те бағындырып, мәреге бірінші болып жетті.
Екінші орын Угандадан келген Аннет Челангатқа бұйырды - 01:09:58.
Қола жүлдені Меселу Кахсай (Эфиопия) жеңіп алды – 01:10:18.
Айта кетейік, Дейзи Джепкемей Қазақстанға Кениядан келген спортшы. Ол Париж Олимпиадасында 17-орын алған еді.