Алматы тұрғыны қазақстандық спортшылардың олимпиадада киген формасын сатылымға қойды
03.10.2024, 17:58
Бұл киімдер тек спортшыларға берілген болатын
olx.kz
Қазақстандық спортшылардың Олимпиада ойындарында киген формалары сатылымға қойылды. Хабарландыруға арналған сервистердің бірінде бұл киімдер отандық атлеттерге ғана берілгені көрсетілген.
Өзін Алматыданмын деп көрсеткен қолданушы қазақстандық саңлақтардың Токио және Париж олимпиадаларында киген экипировкаларын сатылымға қойған. Киім өлшемі 52/54 деп көрсетілген. Онда жейде, күртеше және шалбар бар.
Автордың айтуынша, бұл киімдер тек спортшыларға берілген. Ал форманың сатылым құны 140 мың теңге деп көрсетілген.