«Бюджеттен ең көп ақша алатын құрама»: Нұрлан Қоянбаев «Барыстың» жеңілісінен соң ашуға булықты
Ол бюджет қаржысын көкпар мен айтысқа бөлуді талап етті
Белгілі кинопродюсер, актер Нұрлан Қоянбаев бюджет қаржысын алса да, ешқандай нәтиже көрсетпейтін хоккейшілер мен велоспортшыларға шүйлікті.
«Барыс» неше жыл бюджеттен ақша алып жатыр? Неге журналистер осыған мән бермейсіздер? Құрама нәтиже көрсетпейді! Көрші елдің чемпионатында соңғы орында жүр. Миллиардтаған ақша айтысқа немесе көкпарға бөлінсін! Қазақстанда бюджеттен ең көп ақша алатын команда, үйде 1-10 болып ұтылып жатыр», - деп жазды Нұрлан Қоянбаев.
Ол «Астана» велокомандасының құрамында бірде бір қазақ азамат жоқ екенін атап өтті.
«Астана велокомандасы да жүр жыл сайын бюджеттен ақша алып. Араларында бір қазақ жоқ, нәтиже де жоқ. Құрметті журналистер осыларға мән берейікші», - деп жазды ол.