Жәмилә Бақбергенова үшінші рет әлем чемпионатының финалына шықты
29.10.2024, 21:31
Ақтық сында Ами Ишимен (Жапония) күреседі
Спортты дамыту дирекциясы
Қазақ қызы Жәмилә Бақбергенова Албания астанасы Тиранада өтіп жатқан күрестен әлем чемпионатының финалына шықты.
Отандасымыз 72 келі дейінгі салмақтың жартылай финалында 31 жастағы моңғолиялық спортшы Болортунгалаг Зоригты ұтты. Есеп 8-6.
Айта кетейік, күндізгі сессияда Жәмилә молдовалық сосын чех палуанынан басым түскен.
Жәмилә Бақбергенова 2021 жылы Ослода, 2022 жылы Белградтағы әлем чемпионатында күміс жүлдегер атанған. Ал былтыр Сербия астанасында үздік үштікті түйіндеген.
Енді бозкілем шеберіміз ақтық сында Ами Ишимен (Жапония) күреседі.
Жарнама
Жарнама