Ақтөбелік кәсіпкерлер Жәмила Бақбергеноваға ат мінгізіп, ақшалай сыйлық табыстады
01.12.2024, 15:37
Ол жуырда ғана Албаниядағы әлем чемпионатында күміс жүлдегер атанған еді
instagram.com/zhamila.bakbergenova/
Қыздар күресінен әлемнің төрт дүркін жүлдегері Жәмила Бақбергеноваға ақтөбелік кәсіпкерлер ат мінгізіп, ақшалай сыйлық табыстады. Сондай-ақ, смартфон сыйлады.
Айта кетейік, Ақтөбеде ҚР Еңбек сіңірген жаттықтырушы Бауыржан Нұрмұхановтың 63 жасқа толуына орай күрес түрлерінен жасөспірімдер арасында республикалық турнир өтуде. Айтулы жарысқа қонақ ретінде Олимпиада және әлем чемпионатының жүлдегерлері қатысты. Олардың қатарында Демеу Жадыраев, Ризабек Айтмұқан, Нұрқожа Қайпанов және Жәмила Бақбергеновалар бар.
Жәмила өзіне көрсетілген осынау сый-құрмет үшін алғыс айтып, алдағы әлемдік додаларда Қазақстан намысын абыроймен қорғауға уәде берді.
Жарнама
Жарнама