Головкинмен салыстыру, Лора Санко және тәж. Шавкат Рахмонов сұрақтарға жауап берді
Америкалық жанкүйерлер Шавкатты тәжі жоқ чемпион санайды
Қазақстандық аралас жекпе-жек шебері Шавкат Рахмонов UFC 311 турнирі алдында баспасөз конференциясын өткізіп, бірқатар сұраққа жауап берді.
Америкалық жанкүйерлер Шавкатты тәжі жоқ чемпион санайды
Мені олай атамаңыздар. Қазір чемпион - Белал. Ол нағыз чемпион, ол Леон Эдвардсті жеңу арқылы белбеуге иелік етті. Лайық. Бірақ оған босаңсуға болмайды, жаңа үміткер келе жатыр!
Головкинмен салыстыру
Геннадий Головкинді бүкіл Қазақстан қолдайды. Біз оның керемет айқастарын көру үшін таңертең ерте тұратынбыз. Геннадий Головкин – еліміздің мақтанышы, біз онымен қазір де мақтанамыз. Қазір ол карьерасын аяқтап, Ұлттық олимпиада комитетін басқарып жүр.
Лора Санконың қазақстандық қайырымдылық қорына қаражат аударуы туралы
Лора Санконың осындай коллаборация жасап, түскен табысын қайырымдылыққа аударатынына қуаныштымын. Қазақстанда көмекке мұқтаж жандар көп. Лораға рахмет!
Айта кетейік, Шавкат Рахмонов пен Иэн Гэрридің айқасы 8 желтоқсан күні өтеді.