Жарнама
Жарнама
Жарнама
Жарнама
222 000 тг

Лицензия №23019645 от 06.09.2023

200 000 тг

Лицензия №22020324 от 02.11.2022

2 500 000 тг

Лицензия №21031283 от 08.11.2021

Жарнама
Жарнама

Садулаев Әлішер Ерғалидың күрес формасымен жаттығу жасады

Редактор
05.12.2024, 14:19

Бұған қатысты Әлішер Ерғали 1bol.kz тілшісіне пікір білдірді

Видеодан кадр

Еркін күрестен Олимпиада ойындарының екі дүркін чемпионы Абдулрашид Садулаев Қазақстан туы бейнеленген формамен жаттығу жасады. Әлемге танымал балуан 97 келі салмақтағы өзінің қарсыласы Әлішер Ерғалидің формасын киген сәті туралы бейнежазба тарады.

Бұған қатысты Әлішер Ерғали 1bol.kz тілшісіне пікір білдіріп, белгілі балуан киіп жүрген өзінің формасы туралы айтты.

«Бұл қаңтар айында түсірілген бейнежазба болатын. Сол уақытта Садулаев менің шалбарымды киген еді. Жақын күндері аталған бейнежазба жарыққа шыққан соң көпшілігі мені Дағыстанда оқу-жаттығу жиындарында жүр деп ойлады. Жалпы, Садулаев екеуіміздің қарым-қатынасымыз өте жақсы, бізді еркін күрес қатты байланыстырады. Дағыстанға барған сайын құшақ жая күтіп алады. Спорттан бөлек, біз өте жақсы байланыстамыз. Қарапайым, адамгершілігі жоғары жігіт қой», - деді Әлішер Ерғали.

Бұған дейін Садулаев Алматыға бірнеше күнге келіп, Алатау баурайында қонақ болған еді. Кейін ол Әлішер Ерғалимен 5 жылдан бері жақын байланыста екенін айтып, спорттағы достығын үлгі еткен болатын.

Айта кететін жайт, Садулаев 31 қараша күні Тирана күрес түрлерінен Олимпиадалық емес салмақ дәрежелі бойынша өткен әлем біріншілігінде топ жарды. Ол бұл сында 92 келіде белдесіп, Токио Олимпиадасының чемпионы Дэвид Тейлорды (АҚШ) және екі дүркін әлем біріншілігінің жеңімпазы Карман Гасемпурды (Иран) ұтты.

Жарнама
Жарнама