Токио Гранд Слэмінде күрескен қазақ дзюдошылары сынға ұшырады

7-8 желтоқсан күндері Токиода аяқталған Гранд Слэм турнирінде белдескен қазақстандық 11 дзюдошының ешқайсысы жүлде ала алмады.

Дәстүрлі турнирге қатысқан отандық татами шеберлерінің тек біреуі ғана қола жүлде үшін күресуге мүмкіндік алса, басым көпшігілігі алғашқы айналымнан жарысты аяқтады. Тек 73 келіде Бақытжан Әбдірахманов қана екінші айналымға өте алды.

90 келіде Максим Мейірлан қола үшін күресте жергілікті жапон дзюдошысы Комеи Кавабатадан айласын асыра алмады. Ол іріктеу кезеңдерінде Оңтүстік Корея және Италия балуанын ұтқан еді. Алайда жартылай финалға шығар сында ол тағы бір жапон спортшысына жол берді.

Айта кететін жайт, Қазақстан дзюдошылары Париж Олимпиадасынан кейін Загреб Гран Приі мен Абу Даби Гранд Слэміне қатысты. Бұған дейінгі сында дзюдошылар 2 алтын, 2 күміс, 2 қола медаль иеленген болатын.