Қазақстандық ауыр атлет – әлем чемпионатының күміс жүлдегері
10.12.2024, 22:37
Қостанайлық спортшы 368 келі (164+204) салмақты көтерді
Спортты дамыту дирекциясы
Қазақстандық ауыр атлет Алексей Чуркин (81 келі) Манамеде (Бахрейн) өтіп жатқан әлем чемпионатында күміс жүлдегер атанды. Қоссайыс нәтижесінде қостанайлық спортшы 368 келі (164+204) салмақты көтерді.
Тағы бір қазақстандық Александр Уваров (81 кг) 5-орынға тұрақтады.
Ал бірінші орынды Солтүстік Корея өкілі Ри Чонг Сонг иеленді – 371 келі (166+205). Үздік үштікті өзбекстандық Мухаммадкодир Тоштемиров қорытындылады - 355 келі (165+190).
Айта кетейік, Чуркиннің медалі - биылғы әлем чемпионатында ауыр атлетикадан Қазақстан құрамасының алғашқы жүлдесі.
Жарнама
Жарнама