Елдос Сметов халықаралық «Жыл дзюдошысы» атағына үміткер атанды

Халықаралық дзюдо федерациясы «Жыл дзюдошысы» атағына үміткерлердің тізімін жариялады. 

Аталмыш тізімде Париж Олимпиадасының чемпионы, Рио Олимпиадасының күміс жүлдегері және Токио Олимпиадасының қола медаль иегері Елдос Сметов те бар.

Халықаралық жыл дзюдошы атығына үміткерлер:

• Хифуми Абэ (Жапония) 
• Хидаят Гейдаров (Әзірбайжан) 
• Лаша Бекаури (Грузия)
• Елдос Сметов (Қазақстан) 
• Таканори Нагасе (Жапония)
• Зелим Коцоев (Әзірбайжан)
• Тедди Ринер (Франция)

Бұл дзюдошылардың барлығы Париж Олимпиадасының чемпиондары. Араларында екі дүркін олимпиада чемпиондары да бар.

Айта кетейік, 2023 жылғы «Халықаралық жыл дзюдошы» атағын ерлерден грузиялық Тато Григалашвили алса, әйелдерден жапониялық Ута Абэге лайықты деп танылған еді.

«Халықаралық жыл дзюдошы» номинациясының жеңімпазына жүлдесі 2025 жылы Париждегі Гранд Слэм турнирінде табыстайды.