Дзюдошы Жансай Смағұлов ұлды болды

Дзюдодан Қазақстан ұлттық құрамасының мүшесі Жансай Смағұловтың жары ұл баланы дүниеге әкелді.

73 келіде белдесетін отандасымыз шаңырағындағы қуанышты өзі бөлісті. Ал, спортшыны кейін «Жеңіс» дзюдо клубы құттықтады.

Жансай Смағұлов Рио және Токио Олимпиадасының қатысушысы. Ол ұлттық құрама сапында бірнеше рет әлем және Азия чемпионаттарында сынға түсті. Сондай-ақ, Тунисте өткен Гран При турнирінде топ жарған. Сондай-ақ, бірнеше рет Гранд Слэм бәсекелерінде жүлде алды.

Спортшы бұған дейін 1bol.kz сайтына берген сұхбатында жақын уақытта спорттық мансабын аяқтауы мүмкін екенін атады. Ол қазіргі уақытта «Жеңіс» кәсіпқой дзюдо клубының вице-капитаны әрі жаттықтырушысы.