Екі дүркін паралимпиада чемпионы Давид Дегтярев үйленді

Паралимпиада ойындарының екі дүркін чемпионы, еліміздің мақтанышы Давид Дегтярев өміріндегі маңызды шешімін қабылдап, отау құрды. Бұл туралы Дене мүмкіндіктері шектеулі тұлғаларға арналған спорттық даярлау орталығы мәлім етті. 

Спортшының таңдауы пара пауэрлифтингтен бірнеше халықаралық жарыстың жеңімпазы Валерия Смирноваға түсті. Көпшілік қос спортшының шаңырақ көтергенін қуана қабылдап, бақыт тіледі.

Айта кетейік, Давид Дегтярев – Паралимпиада ойындарында екі рет топ жарған тұңғыш қазақстандық. Естеріңізде болса, ол алғашқы алтынын Токиода, екіншісін Парижде жеңіп алды.