АҚШ-тың даңқты балуаны Кайл Снайдер мен қазақ Ризабек Айтмұқан күресетін болды

Кәсіпқой күрес лигасы (PWL 8) турнирі Алматы қаласында 25-ақпан күні Балуан Шолақ аренасында өтетін болды. Бұл туралы PWL ұйымдастырушылары ресми жариялады. 

Бұл турнирге АҚШ балуандары да қатысады. Олар PWL турнирінде алғаш рет өнер көрсетеді. Америкалық делегация қатарында еркін күрестен Олимпиада чемпионы және әлем чемпионы Кайл Снайдер де бар. Ол еркін күрестен әлем чемпионы Ризабек Айтмұқанмен күресетіні белгілі болды. 

Қазақ балуаны бұған дейін Снайдермен күресуге дайын жеткізген болатын. «Снайдермен қашан болса да дайынмын. Сол сәтті күтемін» деген еді ол. 

Кайл Снайдер Алматыдағы турнирде Ризабектен бөлек Еуропа чемпионы, әлем чемпионатының жүлдегері ресейлік Алихан Жабрайловпен де белдеседі.

PWL 8 турниріне басқа кімдер қатысатыны әзірге белгісіз. Алдағы уақытта PWL тізімді ресми жариялайтын болады.

Айта кетейік, Алматыда өтетін PWL 8 турнирінің жүлде қоры 200 мың долларды құрайды. Ресейліктер ұйымдастыратын бұл турнирдің 4-кезеңі бұған дейін Алматыда 2023 жылы өткен болатын.