Ақмарал Науатбек ел чемпионатында комментаторлық қызмет атқарады
Оралда жасөспірімдер арасында дзюдодан ел чемпионаты басталады
Парижде өткен Паралимпиада ойындарының чемпионы, белгілі парадзюдошы Ақмарал Науатбек Оралда жасөсіпірмдер арасында өтетін ел чемпионаты кезінде тікелей эфирде комментаторлық қызметті өз міндетіне алғанын мәлімдеді. Бұл туралы еліміздің дзюдо федерациясы хабарлады.
"26 қаңтар күні Орал қаласында жасөспірімдер арасында дзюдодан ел чемпионаты басталады. Чемпионатты менімен бірге ҚР дзюдо федерациясының ютуб арнасында тікелей эфирден тамашаласаңыздар болады. Мен сіздер үшін комментаторлық қызмет атқарамын. Бұл мен үшін жаңа бағыт. Сондықтан мені және спортшыларды қолдаңыздар", - деді Ақмарал Науатбек.
Айта кетейік, Паралимпиадада 48 келіде белдескен Ақмарал Науатбек барлық кездесуінде жеңіске жетіп, Франция астанасынан олжалы оралған болатын. Белгілі спортшы елге келгеннен кейін Үкімет басшысы қабылдап, тиісті марапаттарды табыстады.