Қазақстанның бұрынғы спорт министрі аштық жариялады
Арыстанбек Мұхамедиұлы 2014-2019 жылдар аралығында Қазақстанның Мәдениет және спорт министрі болған
Қазақстанның бұрынғы Мәдениет және спорт министрі Арыстанбек Мұхамедиұлы түрмеде жатып аштық жариялады. Мұндай мәлімдеме экс-шенеуніктің Facebook-парақшасында жарияланған.
Есте болса, А.Мұхамедиұлы 2023 жылы «мемлекеттің қаражатын жымқырды» деген айыппен 8 жылға сотталса, 2024 жылы «аса ірі көлемде пара бермек болды» деп айыпталып, жалпы 11 жылға түрмеге жабылды.
«Мен аштық жарияладым. Әуел бастан-ақ өзімді кінәлі санамағанмын», - деп жазылған Мұхамедиұлының Facebook-парақшасында.
Экс-министр түрмеде жатса да оның әлеуметтік желідегі парақшалары белсенді жұмыс істеп тұр. Желіге оның атынан басқа адам жаза ма, әлде өзі түрмеден интернетке қолжетімділігі бар ма – ол жағы белгісіз.
Айта кетейік, Арыстанбек Мұхамедиұлы 2014-2019 жылдар аралығында Қазақстанның Мәдениет және спорт министрі болған.