Нұрлыхан Шархан Линц Гран Приін жеңіспен бастады

Аустрияның Линц қаласында дзюдодан өтіп жатқан Гран При турнирінде қазақстандық Нұрлыхан Шархан белдесуін жеңіспен бастады.

-100 келіде сынға түсіп жатқан қызылордалық балуан чехиялық Мартин Бездекті сүріндірді. Енді екінші белдесуінде Словения-Италия балуандары жұбының жеңімпазымен өзара мықтыны анықтайды.

Сондай-ақ, бүгін ерлер арасында -90 келіде Мейірдан Максим венгр балуаны Гергей Нерпелмен кездессе, +100 келіде Жантілек Нұртілепұлы грузин дзюдошысы Шалва Гурешидзеге алғашқы айналымда жол берді. Сондай-ақ, +78 келіде Ақерке Рамазанқызы франциялық Грейс-ЭстерМиенанди Лахумен татамиге шығады.

Аталған турнирге елімізден 14 дзюдошы аттанған еді. Олардың арасынан әзірге тек Абиба Әбужақынова (48 кг) ғана чемпион атанды.