Өзбекстанның танымал ауыратлеті 8 жылға спорттан шеттетілді
Ол осымен екінші рет допинг пайдаланғаны үшін ұсталып отыр
Өзбекстандық ауыратлет, Азия чемпионы Рустам Джангабаев спорттан сегіз жылға шеттетілді. Оның ағзасынан тыйым салынған «остарин» препараты табылған деп хабарлады Халықаралық допинг тестілеу агенттігі.
Рустам осымен екінші рет допинг қолданғаны үшін жазаланып отыр. 2019 жылы тест тапсырған кезде де оның ағзасынан тыйым салынған гормондық зат табылып, ол төрт жылға дисквалификация алған болатын. 2023 жылы жаза мерзімі аяқталып, спортшы ауыр атлетикаға қайта оралды. Алайда, арада бір жылдан астам уақыт өткенде қайта ұсталды.
Айта кетейік, Рустам Джангабаев 2017 жылы Бакуде өткен Ислам ынтымақтастық елдерінің ойындарында жеңіске жеткен. 2017 жылғы Азия чемпионатының жеңімпазы, 2018 жылы Джакартадағы Азия ойындарында қола медаль иеленген. Ал 2016 жылы Рио Олимпиадасына қатысып, 6-орын алған.