Шорт-тректен әлем чемпионатында Денис Никиша алтынға таласады
15.03.2025, 13:36
Жартылай финалдағы 500 метр қашықтықта сәтті өнер көрсетті
Спортты дамыту дирекциясы
Бейжіңде өтіп жатқан шорт-тректен әлем чемпионатында қазақстандық спортшы Денис Никиша 500 метр қашықтықтағы жарыстың жартылай финалында сәтті өнер көрсетіп, А финалына өтті.
Никиша өз жартылай финалдық жарысында екінші орын алып, дистанцияны 39.735 секундта бағындырды. Бұл нәтиже оған бас жүлде - алтын үшін күресуге мүмкіндік береді.
Қазақстандық жанкүйерлер енді Денис Никишаның финалдағы өнерін асыға күтеді. Ол әлем чемпионатының медаль үшін таласатын басты үміткерлерінің бірі.