Милад Карими Дохадағы әлем кубогінде екінші алтын медалін жеңіп алды

Дохода (Катар) өтіп жатқан әлем кубогі кезеңінде отандасымыз Милад Карими керме жаттығуында 14.500 ұпай жинап, чемпион атанды. Күміс жүлде Тайвань елінің өкілі Тан Чиа Хунға (14.400) бұйырса, үздік үштікті қытайлық Тан Ци (14.000) түйіндеді.

Айта кетейік, Милад Карими күні кеше ғана еркін жаттығу бағдарламасында да топ жарып, жеңімпаз атанған. Бұл – оның Доходағы әлем кубогындағы екінші алтын жүлдесі.

Айта кетейік, Қазақстан құрамасы бұл жарысты төрт медальмен аяқтады. Финалдың алғашқы күнінде Нариман Құрбанов ат снарядындағы жаттығуда үшінші орын алса, Алтынхан Темірбек еркін жаттығуларда екінші орын иеленді.