Танымал актер Таеквондо федерациясында жаңа қызметке ие болды
Асылхан Төлепов федерацияның мәдени интеграциялар бойынша арнайы өкілі атанды
Көпшілікке танымал актер Асылхан Төлепов жаңа қызметке тағайындалды. Бұл туралы актер Instagram парақшасында жазды.
Қазақстан таеквондо федерациясының мәдени интеграциялар бойынша арнайы өкілі атанғаныма қуаныштымын! Бұл – мен үшін үлкен мәртебе. Себебі бұл ұйым тек спортты ғана емес, жас буынның рухын, тәртібін және Отанға деген сүйіспеншілігін тәрбиелеп жатыр. Кеше мен жастар арасында Қазақстан Республикасының чемпионатына қатысып, біздің спортшылардың шеберлігіне және жарыстың жоғары деңгейде ұйымдастырылуына куә болдым. Таеквондо – бұл жай ғана спорт емес, бұл болашағы зор қозғалыс. Федерация маған артқан сенімдеріңіз үшін алғыс айтамын. Жаңа белестерге бірге жетеміз!, – деп жазды ол.