Мариус Визер IJF президенті болып қайта сайланды
12.06.2025, 16:00
Мариус Визер IJF президенті қызметіне қатарынан алтыншы рет сайланып отыр
Idman.biz
Халықаралық дзюдо федерациясының (IJF) президенті Мариус Визер жаңа төрт жылдық мерзімге қайта сайланды.
Ұйым мәліметінше, бұл шешім Венгрияның Будапешт қаласында өткен IJF конгресінде қабылданды.
Осылайша, Мариус Визер IJF президенті қызметіне қатарынан алтыншы рет сайланып отыр. Енді ол бұл міндетті 2029 жылға дейін аұарады.
«Сенімдеріңізге, адалдықтарыңызға, ынтымақтастықтарыңыз бен қолдауларыңызға алғысымды білдіремін. IJF-тің жаңа атқарушы комитетінің және жеке өзімнің атымнан дзюдоның болашағы үшін бұрынғыдан да зор ынтамен жұмыс істейміз деп сенімді айта аламын», — деді Визер.
Айта кетейік, 66 жастағы Мариус Визер бұл қызметті 2007 жылдан бері атқарып келеді.