Ризабек Айтмұхан мен Ахмед Тажудинов тағы күресе ме?
Азия чемпионатының финалында Айтмұхан бахрейндік қарсыласынан ойсырай жеңілген.
Будапештте өтетін «Поляк Имре мен Варга Яношты еске алу» турнирінде жанкүйерлер қазақстандық Ризабек Айтмұхан мен бахрейндік Ахмед Тажудиновтың жекпе-жегін көре алмайды.
Экс-ресейлік балуан аламанға қатысады, алайда 97 келі салмақ дәрежесіндегі қатысушылар тізімінде отандасымыз жоқ.
Бұл сын 17-20 шілде аралығында Венгрияда өтеді.
Айта кетейік, 29 наурызда өткен Азия чемпионатының финалында Айтмұхан бахрейндік қарсыласынан ойсырай жеңілген.
Туған күні: 2004 жылдың 29 сәуірі
Туған жері: Кішкенекөл ауылы, Солтүстік Қазақстан облысы
Жеке бапкері: Қанат Жолдасбай – өз әкесі
Ризабек Айтмұханның жетістіктері:
15 жасқа дейінгі Азия чемпионатының қола жүлдегері (2019 – 75 кг)
23 жасқа дейінгі Азия чемпионатының екі дүркін чемпионы (2022, 2023 – 92 кг)
Дінмұхамед Қонаевты еске алуға арналған халықаралық турнирдің күміс жүлдегері (2022 – 92 кг)
Азия чемпионаттарының үш мәрте күміс жүлдегері (2023 – 92 кг, 2024 және 2025 – 97 кг)
20 жасқа дейінгі әлем чемпионатының күміс жүлдегері (2023 – 92 кг)
Қазақстан тарихында еркін күрестен алғашқы әлем чемпионы (2023 – 92 кг)
20 жасқа дейінгі әлем чемпионы (2024 – 97 кг)
23 жасқа дейінгі әлем чемпионы (2024 – 97 кг)
Қонаевты еске алуға арналған турнирдің қола жүлдегері (2024 – 97 кг)
Қазақстан Республикасының спорт шебері:
Халықаралық дәрежедегі спорт шебері
Дүниежүзілік рейтингтегі орны: 21-орын (11 000 ұпай)